「Wikipedia:Bō̤-céng hō̤ ùng/Dâi-hàng Mìng-guók」調整以後𣍐蜀樣其地方

'''Hàng-guók''', ciòng miàng hô̤ lā̤ „'''Dâi-hàng Mìng-guók'''“, sê [[Ā-ciŭ]] dĕ̤ng-buô [[Dièu-siēng Buáng-dō̤|Hàng Buáng-dō̤]] (iâ hô̤ lā̤ Dièu-siēng Buáng-dō̤) gà̤-dēng gì siŏh bĭk [[guók-gă]]. Hàng-guók gó̤-lòng guók gì ìng-kēu ô 4,500 uâng nè̤ng, gī-hù dŭ sê [[Dièu-siēng-cŭk|Hàng-guók-nè̤ng]] (Dièu-siēng-nè̤ng). Hàng-guók găk ’60 nièng-dâi sìng-gŭng sĭk-hèng gì „nguôi-hióng ciō-dô̤ hìng“ gĭng-cá̤ huŏng-cĭng ī-hâiu, téng lŏ̤h-hâiu gì nùng-ngiĕk guók-gă biéng siàng Ā-ciŭ gĭng-cá̤ bī-gáu huák-dăk gì gĕ̤ng-ngiĕk guók-gă. Hàng-guók sê Ā-ciŭ dâ̤ 2 duâi gì [[Gĭ-dók-gáu]] guŏk-gă, Gĭ-dók-dù gì ìng-kēu nâ bà̤ diŏh [[Hĭ-lĭ-pĭng]] cĭ-hâiu. Hàng-guók hiêng-dâi ùng-huá găk Ā-ciŭ guók-gă, dĕk-biék sê [[Dṳ̆ng-guók]] ô siŏng-dŏng duâi gì īng-hiōng-lĭk. Hàng-guók diŏh Hàng Buáng-dō̤ nàng-buô, miêng-cék 9 uâng 9 ciĕng bìng-huŏng gŭng-lī, ciéng Hàng Buâng-dō̤ miéng-cék gì 45%. Hàng-guók báe̤k biĕng gâe̤ng sê [[Dièu-siēng Mìng-ciō-ciō-ngiê Ìng-mìng Gê̤ṳng-huò-guók‎]] (iâ hô̤ lā̤ BáikBáe̤k-hàng hĕ̤k-ciā BáikBáe̤k Dièu-siēng), sĕ̤ng-huŏng kĕk 38-dô siáng có̤ biĕng-gái. Dĕ̤ng-biĕng sê Nĭk-buōng Hāi (Hàng-guók-nè̤ng gó̤ ĭ hô̤ lā̤ Dĕ̤ng-hāi), nàng-biĕng gák lā̤ [[Dâi-hàng Hāi-gău]] gâe̤ng [[Nĭk-buōng]] dó̤i sióng, să̤-biĕng sê [[Uòng-hāi]] (Hàng-guók-nè̤ng gó̤ ĭ Să̤-hāi). [[Jeju Dĕk-biék Cê̤ṳ-dé-dô̤|Jeju-dō̤]] sê gó̤-lòng guók dék duâi gì siŏh ciáh dō̤. [[Háng-gĕ̤ng]] sê ciā guók-gă dék duâi gì gĕ̤ng, ô téng siū-dŭ [[Seoul]] dâi-dŏng làu guó. Hàng-guók gì ké-hâiu bī-gáu sék-hăk nè̤ng sĕk-uăk, siŏh nièng sé-gié ké-hâiu buŏng cĭng chĭng-chū. Iòng-dŏng-diè Hâ-tiĕng gá iĕk bêng-chiā sèu dâung huô, Dĕ̤ng-tiĕng chéng, kŭng-ké cĭng găng-só̤, chŭng chiŭ lâng gié ké-hâiu ĭng-dáe̤ng. '''''[[Dâi-hàng Mìng-guók|>>Sié lŏ̤h tĕ̤k...]]'''''