耿精忠

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

耿精忠（？—1682年）是滿清辰候其第3代其靖南王，也是三藩之亂其“三藩”之一。

耿精忠是第2代靖南王耿仲明其囝，1649年伊郎爸死𡅏以後封王。1673年，敆福州起兵反抗滿清。臺灣東寧國其鄭經也派兵來福建支援，不過伊共鄭經做相爭去，鄭經派兵將泉州共漳州佔去。滿清其兵趁浙江拍遘福建，伊無能耐投降，乞滿清拿去北京。1681年，康熙平定三藩之亂以後，將伊淩遲刣死，囫圇厝儂都乞滿清刣澈。

耿精忠其王府敆今旦福州晉安區其王莊夫塊。今旦王莊邊兜有野価象園、蓮園茲蜀類帶“園”字其地名，舊底都是耿精忠王府其後花園。