「Cê̤ṳ-iù」調整以後𣍐蜀樣其地方

Ĭ gì é-sé̤ṳ sê mâ̤ nguông hŭk-cṳ̀ng bĕk-nè̤ng. Ciā hìng-sék gì cê̤ṳ-iù gióng-lĭk diŏh dó̤i gó̤-ìng (hĕ̤k gùng-tā̤) ī-gĭk dó̤i ĭ gì kuàng-gīng gì huāng-káung gà̤-dēng: nguāi nâ ké̤ṳk guăng diē găng-lò̤, găk nguāi gì guòng-lĭk gâe̤ng kuàng-gīng diē-liésié nguāi sê cê̤ṳ-iù gì, bók-guó nguāi mò̤ cê̤ṳ-iù pēu-nêng sê̤ṳ-sĭk. Cê̤ṳ-iòng huák-cáik iâ buŏh-sók ciā cê̤ṳ-iù: hùng-nó̤h nè̤ng dŭ mò̤ cê̤ṳ-iù buŏi (chŭi-iòng nē̤ng-gă â̤-sāi hĕ̤k-ciā mâ̤-sāi ché). Ī-suói-ā Báik-lìng (''Isaiah Berlin'') nêng-ùi cī cṳ̄ng cê̤ṳ-iù sê "siĕu-gék cê̤ṳ-iù" (''negative freedom''): mò̤ siéh-nó̤h nó̤h làng lā̤ nguāi hèng-dông (dĕk-biék sê ké̤ṳk bĕk-nè̤ng). Ĭ gó kṳ̆-biék chók "cék-gék cê̤ṳ-iù" (''positive freedom''), sê bī nguāi có̤ sōng-sĕk kó̤ hèng-dông gì cê̤ṳ-iù.

"Cê̤ṳ-iù" ciā kēu-hô̤ sèu-sèu ké̤ṳk dò̤ lì diêu-huáng ìng-mìng [[gáik-mêng]], [[có̤-huāng]]. Pī-ṳ̀-gōng [[Séng-gĭng]] [[Chók Ăi-gĭk Gé]] diē-liésié gì [[Mò̤-să̤]] liāng-dô̤ ĭ gì ìng-mìng liê-kŭi [[Gū Ăi-gĭk|Ăi-gĭk]], dáik diŏh cê̤ṳ-iù. Găk [[Mā-dĭng Lô-dáik Gĭng]] chók-miàng gì iēng-gōng ''Nguāi ô siŏh bĭk Máe̤ng'' diē-liésié, ĭ īng-ê̤ṳng lāu [[Mī-guók]] ŭ-nù gì lìng-hùng-gŏ̤: "''Gáu muōi cê̤ṳ-iù lāu! Gáu muōi cê̤ṳ-iù lāu! Gāng-siâ ciòng-nè̤ng gì Siông-dá̤ nē̤ng-gă gáu muōi cê̤ṳ-iù lāu!''"

Găk [[Háng-sṳ̆ Sák-sṳ̆]] (''Hans Sachs'') gì hié-kiŏk diē-liésié, [[Gū Hĭ-lé-nà̤]] [[Diék-hŏk|diék-hŏk-gă]] [[Dâ̤-ĕu-gṳ̆ng-nà̤]] (''Diogenes of Sinope'') gâe̤ng [[Ā-lĭk-săng-dâi Dâi-dá̤]] (''Alexander the Great'') gōng: "Nṳ̄ sê nguāi nù-chài gì nù-chài." Cī ôi diék-hŏk-gă ī-gĭng ciéng-iàng giăng-pá, ṳ̆k-uông, gâe̤ng găng-huō, dáng sê Ā-lĭk-săng-dâi gó găk lā̤ hŭk-sê̤ṳ cī piĕ ciō-nè̤ng. Chŭi-iòng ĭ cĭng-hŭk lāu nguôi-buô gì sié-gái, dáng-sê ĭ gó muôi cĭng-hŭk ĭ nô̤i-buô gì sié-gái. Dṳ̀ lā̤ cê-gă, hùng-nó̤h dŭ mò̤ nièng-ngài niông cê-gă kóng-cié nô̤i-sĭng sié-gái.