「Uòng Sīng-dĭ」調整以後𣍐蜀樣其地方

891 nièng, Dìng Ngàng bâng iā hēng, puái nè̤ng gó̤ Uòng Dièu lì [[Hók-ciŭ]], buóh siōng ké̤ṳk ĭ gŭng-guòng(軍權), dáng-sê Uòng Dièu nè̤ng gó muôi gáu Dìng Ngàng cêu sī gò̤ lāu. Dìng Ngàng gì chĭng-gă-gêu Huōng Hŭi(范暉), găh Hók-ciŭ cê̤ṳ-chĭng(自稱) [[làu-hâiu]](留後), mò̤ niông ĭ lì. Uòng Dièu puái Uòng Sīng-dĭ gâe̤ng [[Uòng Ngiêng-hók]](王彥復) kó̤ páh Hók-ciŭ, có̤i-cṳ̆ng găh 893 nièng tūng-ék Hók-gióng. Uòng Dièu có̤ Hók-gióng guăng-chák-sṳ̄, Uòng Sīng-dĭ có̤ Hók-gióng hó-guăng-chák-sṳ̄(副觀察使).

 

 

909 nièng, [[Hâiu-liòng-tái-cū]](後梁太祖) hŭng Uòng Sīng-dĭ có̤ „Mìng-uòng(閩王)“. Uòng Sīng-dĭ chiáng-sék kăi-guók(開國), diâng dŭ-siàng(都城) găh Diòng-lŏk(長樂, sê diŏh gĭng-dáng gì [[Hók-ciŭ]], ng-sê Diòng-lŏk-chê). Uòng Sīng-dĭ câi-ôi(在位) gì sèng-hâiu, gâe̤ng biĕng-dău guók-gă guăng-hiê có̤ iā huò, cêng-lĭk-liông gì biê-miēng ciéng-cĕng. Găh [[gĭng-cá̤]] huŏng-miêng, kŭi-siĕu cáik-giêng, gēng-kĭng hô-suói(賦稅) gâe̤ng lò̤-ĭk(勞役), gū-lâ̤ tŭng-siŏng(通商), bô kī iā sâ̤ [[hŏk-hâu]] gá nè̤ng tĕ̤k-cṳ̆, dó̤i Hók-gióng (dĕk-biék sê Hók-ciŭ) góng-hióng iā duâi.