「Uòng Sīng-dĭ」調整以後𣍐蜀樣其地方
刪去的內容 新增的內容
無編輯摘要 |
無編輯摘要 |
||
Dâ̤ 6 hòng:
891 nièng, Dìng Ngàng bâng iā hēng, puái-nè̤ng gó̤ Uòng Dièu lì [[Hók-ciŭ]], buóh siōng ké̤ṳk ĭ gŭng-guòng(軍權). Nè̤ng gū-muôi gáu Dìng Ngàng cêu sī ko̤. Dìng Ngàng gì chĭng-gă-gêu Huōng Hŭi(范暉), găh Hók-ciŭ cê̤ṳ-chĭng(自稱) [[làu-hâiu]](留後), mò̤ niông ĭ lì. Uòng Dièu puái Uòng Sīng-dĭ gâe̤ng [[Uòng Ngiêng-hók]](王彥復) páh Hók-ciŭ, có̤i-cṳ̆ng găh 893 nièng tūng-ék Hók-gióng. Uòng Dièu có̤ Hók-gióng guăng-chák-sṳ̄, Uòng Sīng-dĭ có̤ Hók-gióng hó-guăng-chák-sṳ̄(副觀察使).
898 nièng, Uòng Dièu bâng iā hēng, cê̤ṳ-iòng-gōng Uòng Dièu ô sé ciáh giāng, Uòng Dièu giéng-gáe̤k giāng-diê dŭ mò̤ Uòng Sīng-dĭ buōng-sê̤ṳ, có̤i-muōi iù Uòng Sīng-dĭ giék-băng(接班). Dòng-
909 nièng, Hâiu-liòng-tái-cū(後梁太祖) hŭng Uòng Sīng-dĭ có̤ „Mìng-uòng(閩王)“. Uòng Sīng-dĭ chiáng-sék kŭi-guók(開國), diâng dŭ-siàng(都城) găh Diòng̤-lŏk(長樂, sê diŏh gĭng-dáng gì Hók-ciŭ, ng-sê Diòng̤-lŏk-chê). Uòng Sīng-dĭ câi-ôi gì sèng-hâiu, gâe̤ng biĕng-dău guók-gă guăng-hiê có̤ iā huò, cêng-lĭk-liông gì biê-miēng ciéng-cĕng. Găh gĭng-cá̤ huŏng-miêng, kŭi-siĕu cáik-giêng, gēng-kĭng hô-suói(賦稅) gâe̤ng lò̤-ĭk(勞役), gū-lâ̤ tŭng-siŏng(通商), bô kī iā sâ̤ hŏk-hâu gá nè̤ng tĕ̤k-cṳ̆, dó̤i Hók-gióng (dĕk-biék sê Hók-ciŭ) góng-hióng iā duâi.
Uòng Sīng-dĭ găh 925 nièng bâng-sī, iù diōng-cṳ̄(長子) Uòng Iòng-hâng(王延翰) giék-băng(接班). Miêu-hô̤ hô̤ lā̤ Mìng-tái-cū(閩太祖), ié-hô̤(諡號) hô̤ lā̤ Ciĕu-ū-háu huòng-dá̤ (昭武孝皇帝). Ĭ gì muó hô̤ lā̤ Sŏng-lìng(宣陵), găh hiêng-câi Hók-ciŭ [[Céng-ăng|Céng-ăng-kṳ̆]] Sĭng-dáing(新店) gì Dáu-dīng-chŏng(斗頂村).
Ĭ gì giāng-diê ciòng bâi-giāng, huŏng-ìng-ù-dô̤(荒淫無道), cê̤ṳ-siŏng-càng-sák(自相殘殺), có̤i-muōi Mìng-guók găh 945 nièng ké̤ṳk [[Nàng-dòng]](南唐) miĕk lâi.
Uòng Sīng-dĭ dó̤i Hók-ciŭ gì huák-diēng góng-hióng iā duâi, Hók-ciŭ-nè̤ng dó̤i ĭ dŏng sìng lì buái, gó̤ ĭ „Kŭi-Mìng Séng-uòng(開閩聖王)“. Hók-ciŭ ô iā sâ̤ Uòng Sīng-dĭ gì miêu, có̤i chók-miàng gì sê [[Gū-làu|Gū-làu-kṳ̆]] gì „Dṳ̆ng-hé Mìng-uòng-sṳ̀(忠懿閩王祠)“. Iā sâ̤ Hók-gióng sáng Uòng gì nè̤ng nêng Uòng Sīng-dĭ có̤ cê̤ṳ-gă gì cū-cŭng(祖宗).
{{Lifetime|862|925|Uòng Sīng-dĭ}}
| |||