Dṳ̆

?Dṳ̆
Dṳ̆
bō̤-hô câung-huóng
gă-iōng-huá
sĕng-ŭk hŭng-lôi
gái: Animalia muòng: Chordata gŏng: Mammalia mŭk: Artiodactyla kuŏ: Suidae sṳ̆k: Sus cṳ̄ng: S. scrofa ā-cṳ̄ng S. s. domestica
Hŏk-miàng
Sus scrofa domestica Linnaeus, 1758
ê-miàng
Sus domestica

Dṳ̆(豬) sê siŏh cṳ̄ng buô-ṳ̄ dông-ŭk(哺乳動物). Dṳ̆ buŏng gă-iōng(家養) gâe̤ng iâ-sĕng(野生) lâng cṳ̄ng. Ék-buăng lì gōng dṳ̆ cêu sê cī gă-iōng gì dṳ̆, iâ-sĕng gì dṳ̆ hô̤ lā̤ iâ-dṳ̆(野豬).

Dṳ̆ sê hiêng-câi siâ-huôi có̤i ciō-iéu gì nṳ̆k-lôi sĭk-pīng(肉類食品) cĭ ék, dáng-sê séng Ĭ-sṳ̆-làng-gáu‎(伊斯蘭教) gâe̤ng Iù-tái-gáu(猶太教)‎ gì nè̤ng mâ̤ sāi siĕh dṳ̆ nṳ̆k, ĭ-gŏk-nè̤ng giéng-gáe̤k dṳ̆ nṳ̆k iā lă-că(垃渣).

Hók-ciŭ-uâ diē-sié iā sèu sāi “dṳ̆” lì má nè̤ng. Bī-ṳ̀ gōng má nè̤ng ngông(歞) hô̤ lā̤ “ngông-dṳ̆”(歞豬), má nè̤ng ngông hĕ̤k-ciā mŏ̤h giéng duǒk sié-méng(世面) gì nè̤ng hô̤ lā̤ “kă̤- dṳ̆”(溪豬).

Dṳ̆ iâ sê sék-nê săng-ngáu(十二生肖) cĭ ék, dó̤i-éng gì dê-ciĕ(地支) sê hâi(亥), sèng-tàu sê kēng, â-lāu sê chṳ̄.