「John Wesley」調整以後𣍐蜀樣其地方

'''Iók-hâng Ôi-lī''' ([[Ĭng-ùng]]: ''John Wesley'', 1703 n. 6 ng. 28 h. - 1791 n. 3 ng. 2 h.) sê [[Ăng-lĭk-găng-cŭng]] gì mŭk-sṳ̆ gâe̤ng [[Gĭ-dók-gáu]] [[Sìng-hŏk|sìng-hŏk-gă]], [[Ôi-lī-cŭng]] (''Methodism'', iâ ĭk siàng Sùng-dô̤-cŭng) gì cháung-gióng-ciā.

 

Iók-hâng Ôi-lī chók-sié diŏh [[Ĭng-guók]] báe̤k-huŏng [[Lìng-kēng-gông]] (''Lincoln''). Ĭ gì gă-cŭk ô cĭng chĭng gì cŭng-gáu séng-niêng. Ĭ gŭng sê [[Chĭng-gáu|Chĭng-gáu-dù]], ĭ lòng-bâ sêu guó gŏ̤-dēng gáu-ṳ̆k, hâiu duōng kó̤ Ăng-lĭk-găng-cŭng, găk [[Ngiù-cĭng Dâi-hŏk]] (''Oxford University'') tĕ̤k-cṳ̆.

 

1714 nièng, Iók-hâng ciáh sĕk huói sèng-hâiu cêu guó-ôi kó̤ [[Lùng-dŭng]] gì Că-táik-hò̤-sṳ̆ Hăk-hâu (''Charterhouse School'') sêu gáu-ṳ̆k. 1720 nièng, găk [[Ngiù-cĭng]] gì Gĭ-dók Gáu-huôi Hŏk-iêng tĕ̤k-cṳ̆, 1724 nièng dáik diŏh [[hŏk-sê̤ṳ hŏk-ôi]], 1727 nièng dáik diŏh sĭk-sê̤ṳ hŏk-ôi. 1727 nièng hâ-tiĕng, Iók-hâng Ôi-lī liê-kŭi Ngiù-cĭng, kó̤ Lò̤-táik Gáu-dòng (''Wroot Church'') dó̤i-chiū ĭ lòng-bâ, bêng-chiā diŏh 1728 nièng sêu áng có̤ diōng-lō̤.

 

1735 nièng, Iók-hâng lòng-bâ guó-sié, lâng ciéh hiăng-diê-gŏ̤ cêu kó̤ [[Mī-guók]] [[Gièu-dê-ā-ciŭ]] (''Georgia'') duòng gáu. Sùng găk [[Dâi-să̤-iòng]] gà̤-dēng ngê̤ṳ diŏh hŭng-bó̤-ṳ̄, sùng lā̤ [[Mò̤-lá-mì-ā Hiăng-diê-huôi]] (''Moravian Church'') gì séng-dù dŭ mò̤ giăng-huòng, nâ găk lā̤ chióng cáng-mī-sĭ. Mò̤-lá-mì-ā séng-dù gì gièng-sĭng dó̤i Iók-hâng Ôi-lī ô cêng duâi īng-hiōng. Bók-guó Iók-hâng găk Gièu-dê-ā gì sŏng gáu uăk-dông mò̤ sìng-gŭng. 1738 nièng, ĭ cêu duōng kó̤ Ĭng-guók.

 

1738 nièng 5 nguŏk 24 hô̤, Iók-hâng Ôi-lī chăng-gă Lùng-dŭng Ā-dáik-muòng-gă̤ (''Aldersgate Street'') gì Mò̤-lá-mì-ā cê̤ṳ-huôi, huók-iòng-găng tiăng-giéng diŏh [[Mā-dĭng Lô-dáik]] siā gì «Lò̤-mā-cṳ̆ Cuó-sék» sê̤ṳ-ngiòng, sĭng diē duâi gāng-dông. Iù-sê, Iók-hâng Ôi-lī gì iĕk-cìng kăi-sṳ̄ iòng-siĕu.

 

[[uk:Джон Веслі]]

[[vi:John Wesley]]