莓薺

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

莓薺，普通話號𡅏荸薺，學名是Eleocharis dulcis，是莎草科荸薺屬其蜀種。

形態

莓薺是多年生水生草本植物，地下有匍匐莖，先端膨大成球莖（地下變態莖），球莖扁圓形，表面會囫圇，老熟以後變成深栗色或者棗紅色，有環節3-5圈，固加有短喙狀頂芽共側芽，依品種𣍐蜀様，球莖直徑10-50毫米。地上莖直立叢生，管狀濃綠色，有節，節懸頂生膜狀退化葉，穗狀花序，褐色花，瘦果，性喜溫暖濕潤，𣍐耐寒。

用途

莓薺口感真甜，營養豐富，有蛋白質、脂肪、粗纖維、胡蘿卜素、維生素B、維生素C、鐵、鈣共碳水化合物。會使廮𡅏烹調，也會使做澱粉。廣東小食莓薺糕，就是用莓薺做其，號𡅏「莓薺粉」其澱粉做其。伊其纖維是球狀其，容易吸附雜物，有野好其清理腸道其功能。如果卜生吃硬著將芽眼共外皮徹底扒掉咯，若無容易造成薑片蟲卵躃遘腸道寄生。